Talladoras de engrenaxes

Talladoras de engrenaxes

As talladoras de engrenaxes son ferramentas que, como indica o seu nome, se empregan para o proceso de mecanización ou fabricación das engrenaxes, a partir de elementos ou pezas básicas, como os cilindros ou outras formas, compostos de materiais como o aceiro ou o aluminio.

Estes equipos utilizan unha secuencia de brocas ou trades tipificados para crear, en cumprimento de parámetros axustados de paso e círculo, os distintos cortes necesarios para a obtención de engrenaxes que, unha vez rematadas, estarán destinadas á execución do traballo ou procesos mecánicos noutras máquinas ou equipos.

Funcionamento das talladoras de engrenaxes

O cilindro, que xeralmente é de aceiro, aínda que pode empregarse outro metal ríxido, como o cobre, o bronce ou o aluminio, utilízase como peza de partida. En primeiro lugar, esta forma será cortada para a obtención de láminas redondas que, posteriormente, serán mecanizadas como pezas en bruto, é dicir, como placas tradeadas ou perforadas sen presenza de dentes.

O proceso anterior realizarase como paso previo a unha serie de operacións, necesarias para a elaboración do produto final, que se describen a continuación:

• Tallado: as láminas ou pezas en bruto sométense a este proceso para crear os dentes funcionais da engrenaxe.
• Temperado: neste proceso térmico arrefríase a peza co fin de fortalecer ou endurecer a peza obtida, aumentando así a súa resistencia mecánica.
• Rectificación: durante este proceso perfecciónase o acabado das pezas, tanto na súa superficie coma nos seus dentes.

Tipos de talladoras de engrenaxes

As talladoras de engrenaxes clasifícanse segundo o proceso empregado na súa produción, e divídense en dous grupos principais: por reprodución ou conformación, ou por xeración.

Segundo a súa reprodución ou conformación

Neste caso, o bordo que realiza os cortes é unha réplica estrita do oco situado entre os dentes adxacentes, e para iso emprega unha gran cantidade de ferramentas, debido a que o oco interdental varía segundo o módulo e o número de dentes.

Estas talladoras de engrenaxes clasifícanse, en liñas xerais, en dous tipos de ferramentas:

• Fresadora: é un equipo que emprega unha ferramenta de corte xiratoria de módulo, que basicamente é unha fresa especial estándar, con dentes ou fíos de gran semellanza cos ocos interdentais. Esta ferramenta perfora o cilindro tomado inicialmente como peza base para efectuar o proceso de mecanización. Esta operación é repetitiva ou patrón, e coñécese como fresado de pezas.
• Cepilladora: é un dispositivo que ten un lado cortante, situado de forma perpendicular á orientación do movemento. O segmento que executa o corte ou mecanizado tamén coincide coa área do oco interdental da engrenaxe que se desexa tallar.

Segundo a súa xeración

Este tipo de talladora ten unha gran precisión no traballo realizado sobre a peza. É práctica e silenciosa no proceso de mecanizado, ademais de empregar marchas constantemente rápidas.

O seu funcionamento baséase nas características da evolvente do círculo, que non é máis ca unha curva plana en desenvolvemento. Os dentes, que cumpren estes mesmos parámetros, poden ser tallados por equipos rectilíneos, mentres que a ferramenta encargada de efectuar os cortes avanza á par da roda e xira sobre o seu propio eixe.

As talladoras de engrenaxes por xeración pódense dividir, á súa vez, nos seguintes tipos:

• Con fresa nai: a talladora de engrenaxes deste estilo executa un proceso continuo e ten maior precisión ca outras. Neste caso, emprega como ferramenta un parafuso con dentes rectos, mentres que o seu eixe está desaliñado na mesma proporción que o ángulo de avance da hélice do parafuso. Este método é un dos máis empregados na industria.
• Con cremalleira: durante este proceso ou método, o equipo realiza de forma simultánea a elaboración de ambos os perfís do dente, e para iso emprega unha ferramenta con aspecto de cremalleira, cun módulo exacto ao da engrenaxe que se desexa tallar. O corte execútase con movementos de vaivén da ferramenta, en sintonía co eixe do cilindro que foi tomado como peza base. A pesar de non ser un proceso de mecanizado continuo e de requirir reposición da ferramenta, tamén é un dos procesos máis habituais polo seu uso.
• Con piñón xerador: a maquinaria realiza un proceso de mecanizado continuo no que non é necesario reposicionar a ferramenta de corte. O corte efectúao unha roda ou rosca con dentes afiados, mentres xira sobre a base cilíndrica obxecto do proceso de tallado. A creación deste piñón xerador é complexa, e os defectos que poida ter recaen sobre a peza que se vai mecanizar, xa que, en xeral, se reproducen con gran facilidade.
• Con cepillado: neste caso, a máquina emprega unha ferramenta de corte de perfil plano, cuxo movemento característico no mecanizado da peza é de vaivén. De todos os procesos de tallado, este é un dos menos utilizados.

Outras máquinas que che poden interesar

• Mortalladoras
• Toda a maquinaria industrial

Tes dúbidas sobre que máquina escoller? Fala cun técnico de Heller.